राजनीति

युपी को ये साथ पसंद है’, राहुल-अखिलेश करणार संयुक्त प्रचार

काँग्रेस उपाध्यक्ष राहुल गांधी आणि उत्तर प्रदेशचे मुख्यमंत्री अखिलेश यादव हे आज रथ यात्रा करुन आपल्या प्रचाराचा शुभारंभ करणार आहेत. काँग्रेस आणि समाजवादीने आघाडी केली आहे. त्यानंतर प्रथमच राहुल आणि अखिलेश एकत्र येणार आहेत. रथ यात्रेपूर्वी ते संयुक्त परिषद घेणार आहेत. शहरातील जीपीओ पार्क येथून यात्रेला प्रारंभ होणार आहे. समाजवादी पक्ष आणि काँग्रेसची आघाडीही उत्तर प्रदेशला पसंत असल्याचे पोस्टर लावण्यात आले आहेत.

उत्तर प्रदेशात एकूण सात टप्प्यात मतदान होणार आहे. समाजवादी पक्ष एकूण २९८ जागा लढवणार आहे तर काँग्रेस १०५ जागा लढवणार आहे. पत्रकार परिषदेनंतर राहुल गांधी आणि अखिलेश यादव हे प्रचाराला सुरुवात करतील. महात्मा गांधी पुतळ्यापासून ते घंटाघर ही रथयात्रा असणार आहे. रथयात्रेचे अंतर ६ किलोमीटर आहे. ११ फेब्रुवारीपासून मतदानाला सुरुवात होणार आहे. राहुल गांधी आणि अखिलेश हे दोघे मिळून अनेक ठिकाणी प्रचार करणार असल्याचे म्हटले जात आहे.
युपी को ये साथ पसंद है
‘बेबी को पसंद है’ या गाण्याशी साधर्म्य असणारे युपी को ये साथ पसंद है असे घोषवाक्य प्रचारासाठी निश्चित करण्यात आली आहे. राहुल गांधी आणि अखिलेश यादव हे दोघेही तरुण नेते आहेत. त्यांच्या नेतृत्वात आम्ही ही निवडणूक जिंकणार असा विश्वास दोन्ही पक्षांच्या कार्यकर्त्यांना वाटत आहे. यामुळेच युपी को साथ पसंद है असे म्हटले जात आहे. दरम्यान, त्यांच्या या प्रचाराच्या घोषवाक्याची भाजपने खिल्ली उडवली आहे. एक भ्रष्ट पक्ष आहे तर दुसरा गुंडागर्दी करणारा तेव्हा नेमकी कोणती साथ पसंत पडली असा सवाल भाजप नेते करत आहेत.