अपराध समाचार

अभिनेत्री सुचित्रा कृष्णमूर्तीला शिवराळ ट्वीट, चौघांवर गुन्हा

गायिका-अभिनेत्री सुचित्रा कृष्णमूर्तीने ट्विटरवर अझानविरोधी सूर आळवल्यानंतर सोशल मीडियावर संमिश्र प्रतिक्रिया उमटल्या. मात्र सुचित्राविरोधात शिवराळ ट्वीट करणाऱ्या चौघांवर पोलिसांनी गुन्हा दाखल केला आहे.

‘कभी हां कभी ना’ चित्रपटात शाहरुखसोबत झळकलेल्या सुचित्रा कृष्णमूर्तीने काही दिवसांपूर्वी लाऊडस्पीकरवर अझान ऐकावं लागत असल्यामुळे सकाळ-सकाळी शांततेचा भंग होत असल्याची भावना ट्विटरवर व्यक्त केली होती.

सुचित्राच्या ट्वीटवर अनेक नेटिझन्सनी तोंडसुख घेतलं. त्यापैकी शिवराळ भाषेत ट्वीट करणाऱ्यांविरोधात सुचित्राने पोलिसात तक्रार दाखल केली होती. याची दखल घेऊन मुंबईतील ओशिवरा पोलिसांनी चौघांविरोधात गुन्हा नोंदवला.

अभिनेत्री सुचित्रा कृष्णमूर्तीच्या अजानसंदर्भातील ट्वीटनं पुन्हा वाद

कलम 509 (महिलेच्या सन्मानाला धक्का पोहचवणाऱ्या भाषेचा वापर), कलम 67 अ (लैंगिकतेशी संबंधित कृत्य असलेलं साहित्य प्रकाशित करण्याची शिक्षा) अंतर्गत गुन्हा नोंदवण्यात आला आहे.

काही महिन्यांपूर्वी प्रसिद्ध पार्श्वगायक सोनू निगमनेही अझानसंदर्भात ट्वीट करुन आक्षेप नोंदवला होता. मी मुस्लिम नाही, तरी अझानच्या भोंग्यामुळे माझी झोपमोड का? असा सवाल करत, सोनूने वाद ओढवून घेतला होता.