सीवूड्स येथील पालिका शाळेची इमारत दोन वर्षे वापराविना; महापालिका प्रशासन ढिम्म
नवी मुंबई महापालिकेने सीवूड्स सेक्टर ५० येथील भूखंड क्रमांक ५४वर सात कोटी रुपये खर्च करून उभारलेली शाळा दोन वर्षांपासून वापराविना पडून आहे. त्यामुळे नागरिकांकडून वसूल केल्या जाणाऱ्या कराचा अपव्यय का केला जात आहे, असा प्रश्न सीवूड्सवासीयांना पडला आहे. या वास्तूचा शैक्षणिक वापर लवकरात लवकर सुरू करावा, अशी मागणी होत आहे.
महापालिका प्रभाग क्रमांक १०८मध्ये महापालिका शाळा सुरू करण्यासाठी तीन मजली इमारत उभारण्यात आली. सुरुवातीपासूनच या शाळेच्या बांधकामालाही विरोध होता. हे काम नियमबाह्य़ असून खारफुटी व होल्डिंग पॉण्ड परिसरात बांधकाम केल्याची याचिका सेव्ह मॅनग्रोव्ह्ज संस्थेचे सुकुमार किल्लेदार यांनी केली होती. त्यामुळे उच्च न्यायालयाने शाळेच्या बांधकामाला स्थगितीही दिली होती.
स्थगिती उठल्यावर पालिकेने बांधकाम पूर्ण केले. २०१५ला इमारत बांधून वापरासाठी तयार असतानादेखील अद्याप शाळा सुरू झालेली नाही. तत्कालीन आयुक्त तुकाराम मुंढे यांनी या इमारतीमध्ये ईटीसी केंद्र सुरू करण्याचा प्रयत्न केला होता. परंतु या ठिकाणी विभागातील मुलांसाठी सीबीएससी शाळा सुरू करण्याची मागणी स्थानिक नगरसेवकांनी केली आहे.

नगरविकास विभागानेही पालिकेला इमारत बांधून तयार असतानादेखील वापराविना का ठेवण्यात आली आहे, याबाबतचा अहवाल पालिकेने द्यावा, असे आदेश दिले होते.
नवी मुंबई महापालिकाक्षेत्रात पालिका शाळांमधील प्राथमिक व माध्यमिक विभागात विद्यार्थ्यांची संख्या दिवसेंदिवस वाढत आहे. तर दुसरीकडे पालिकेची शाळा वापराविना पडून आहे.

सीवूड्स विभागात पालिकेची शाळा नाही. बांधण्यात आलेली शाळा प्रशासनाच्या हलगर्जीमुळे पडून आहे. या ठिकाणी इंग्रजी माध्यमाची डिजिटल शाळा सुरू केली तर स्थानिक विद्यार्थ्यांना त्याचा फायदा होईल. वापराविना इमारतीची दुरवस्था होऊ लागली आहे.
– विशाल विचारे, शिवसेना शाखाप्रमुख सीवूड्स
इमारतीत शाळा सुरू करण्याबाबतचा धोरणात्मक विचार सुरू आहे. याबाबत महासभागच निर्णय घेईल. प्रस्ताव लवकरच महासभेत मांडण्यात येईल.
– संदीप संगवे, शिक्षणाधिकारी
सीवूड्स विभागात शाळेची वास्तू उभारून तयार आहे. परंतु शिक्षण विभागाचा व शिक्षण अधिकाऱ्यांचा संथ कारभार सुरू आहे. या ठिकाणी पालिकेची पहिली सीबीएसई शाळा सुरू करण्यात येणार आहे.
सुधाकर सोनावणे, महापौर
नवी मुंबई पालिकेने इमारत बांधली, तिचा वापर अद्याप झालेला नाही. या ठिकाणी पालिकेची सीबीएसई शाळा सुरू करण्याची मागणी प्रशासनाकडे केली आहे. लवकरात लवकर शाळा सुरू करण्यासाठी आम्ही प्रयत्न करत आहोत. परंतु पालिकेतील शिक्षण अधिकारी योग्य प्रतिसाद देत नाहीत.

Service Unavailable

The server is temporarily unable to service your request due to maintenance downtime or capacity problems. Please try again later.

Additionally, a 503 Service Unavailable error was encountered while trying to use an ErrorDocument to handle the request.