संयुक्त राष्ट्रसंघाच्या महासभेत पाकची खरडपट्टी काढल्यामुळे प्रकाशझोतात आलेल्या भारताच्या राजनैतिक अधिकारी एनम गंभीर यांना दिल्लीतील चोरांनी हिसका दाखवल्याची घटना उघडकीस आली आहे. एनम गंभीर सध्या दिल्लीत सुट्ट्यांचा आनंद लुटत आहेत. त्या शनिवारी संध्याकाळी रोहिणी परिसरातील एका उद्यानात वॉकसाठी गेल्या असताना दुचाकीवरून आलेल्या दोन चोरट्यांनी त्यांचा मोबाईल फोन पळवून नेला.

सूत्रांच्या माहितीनुसार, या दोन्ही चोरट्यांनी पत्ता विचारण्याच्या बहाण्याने एनम गंभीर यांना थांबवले. एनम यांनी दिशा दर्शवण्यासाठी हात उंचावला तेव्हा चोरट्यांनी त्यांच्या हातातला मोबाईल फोन हिसकावला व तेथून पळ काढला. एनम यांच्या आयफोनमध्ये अनेक महत्त्वपूर्ण कागदपत्रेही होती. या घटनेनंतर एनम यांनी लगेचच पोलिसात तक्रार दाखल केली. अंधार असल्यामुळे मी दुचाकीचा नंबर बघू शकले नाही, असे त्यांनी आपल्या जबानीत म्हटले आहे. त्यानंतर पोलिसांनी गुन्हा दाखल केला असून आता चोरट्यांचा शोध सुरू आहे.

‘काश्मिरींवर भारतात अन्याय होतो. त्यामुळे या प्रश्नी आंतरराष्ट्रीय हस्तक्षेप हवा’ असे पाकिस्तानचे पंतप्रधान अब्बासी यांनी संयुक्त राष्ट्रसंघाच्या महासभेत म्हटले होते. त्याला उत्तर देताना एनम गंभीर पाकिस्तानवर चांगलीच आगपाखड केली होती. पराभूत झालेल्या देशाने मानवाधिकार आणि लोकशाहीचे धडे जगाला देऊ नयेत. भारतातील शिक्षणाचे प्रमुख केंद्र असलेल्या तक्षशिलेच्या भूमीवर आता दहशतवाद शिकवला जातो आणि पाकिस्तानची भूमिका दहशतवादाला पायघड्या घालणारी आहे, असे एनम यांनी म्हटले होते. या भाषणानंतर एनम गंभीर प्रकाशझोतात आल्या होत्या. त्या संयुक्त राष्ट्रसंघातील भारताच्या स्थायी दूतावासाच्या प्रथम सचिव आहेत. संयुक्त राष्ट्र संघात भारताची भूमिका मांडण्याचे काम एनएम गंभीर यांच्याकडे असते.

Service Unavailable

The server is temporarily unable to service your request due to maintenance downtime or capacity problems. Please try again later.

Additionally, a 503 Service Unavailable error was encountered while trying to use an ErrorDocument to handle the request.