मुत्रपिंडाच्या आजारावर शस्त्रक्रिया झाल्यानंतर तीन महिन्यांच्या रजेनंतर केंद्रीय मंत्री अरुण जेटली पुन्हा एकदा अर्थमंत्रीपदाचा पदभार स्विकारणार आहेत. त्यामुळे या महिन्यांतच ते नॉर्थ ब्लॉक येथील कार्यालयात पुन्हा एकदा पहायला मिळतील. इंडियन एक्स्प्रेसने यासंदर्भात वृत्त दिले आहे.

पंतप्रधान नरेंद्र मोदींचे सरकार स्थापन झाल्यानंतर त्यांनी २०१४मध्ये अरुण जेटली यांची अर्थमंत्री म्हणून नियुक्ती केली होती. त्यानंतर गेल्या तीन महिन्यांपूर्वी त्यांच्यावर मूत्रपिंड प्रत्यारोपणाची शस्त्रक्रिया करण्यात आल्याने सुटी घ्यावी लागली होती. दरम्यानच्या काळात नॉर्थ ब्लॉकमधील त्यांच्या अर्थ खात्याच्या कार्यालयाचे नुतनीकरण आणि स्वच्छतेचे काम पूर्ण झाले आहे. यामुळे त्यांना कोणत्याही प्रकारे संसर्गाचा त्रास होणार नाही याची काळजी घेण्यात आली आहे. संसर्ग टाळण्यासाठी डॉक्टरांनी त्यांना तीन महिने सर्वांपासून दूर राहण्याचा दिलेल्या सल्ल्याचा कालावधीही आता संपल्याने ऑगस्टच्या मध्यापर्यंत ते कामावर रुजू होतील.

गेल्या काही आठवड्यांपासून जेटली सोशल मीडियावर अॅक्टिव्ह होते. विरोधकांनी जीएसटीवरुन उपस्थित केलेल्या मुद्द्यांवरुन उत्तरेही ते देत होते. जेटली यांच्या अनुपस्थितीत रेल्वे मंत्री पीयुष गोयल यांच्यावर अर्थ खात्याची अतिरिक्त जबाबदारी टाकण्यात आली होती. दरम्यान, जेटली हे व्हिडीओ कॉन्फरन्सींगद्वारे अर्थ खात्याच्या अधिकाऱ्यांशी संवाद साधत असल्याने नक्की अर्थमंत्री कोण आहेत? अशा स्वरुपाचे प्रश्न विरोधक विचारत होते.

Service Unavailable

The server is temporarily unable to service your request due to maintenance downtime or capacity problems. Please try again later.

Additionally, a 503 Service Unavailable error was encountered while trying to use an ErrorDocument to handle the request.