देश

जम्मू-काश्मीरमध्ये भीषण हिमस्खलन, १० पोलीस बर्फाखाली अडकले

जम्मू-काश्मीरमध्ये गुरूवारी सांयकाळी झालेल्या भीषण हिमस्खलनात १० पोलीस कर्मचारी बर्फाखाली दबले गेल्याचे वृत्त आहे. दक्षिण काश्मीरमधील कुलगाम परिसरात झालेल्या हिमस्खलनानंतर १० पोलीस कर्मचारी बफार्खाली दबले गेले आहेत. त्यांना बाहेर काढण्यासाठी बचाव मोहीम सुरू आहे. या मोहिमेत जम्मू-काश्मीर पोलिसांबरोबर लष्कर आणि एनडीआरएफचे पथकही सहभागी झाले आहे.

कुलगाम जिल्ह्यातील जवाहर बोगद्याजवळ गुरूवारी सांयकाळी पोलीस कर्मचारी हिमस्खलनात अडकले गेले. यावेळी अनेक पोलीस कर्मचारी सुरक्षित बाहेर पडले. पण १० जण बर्फाखाली दबले गेले. त्यांना बाहेर काढण्यासाठी बचाव मोहीम सुरू करण्यात आली. या मोहिमेनंतर जम्मू-काश्मीर पोलिसांनी ट्विटरवर या घटनेची माहिती दिली.