सोमवारी पहाटे जम्मू- काश्मीरच्या पुलवामामध्ये दहशतवादी आणि लष्करामध्ये चकमक सुरू झाली असून, यामध्ये दोन-तीन दहशतवाद्यांना जवानांनी घेरले आहे. एनएनआय या वृत्तसंस्थेने प्रसिद्ध केलेल्या वृत्तानुसार चकमक होत असणाऱ्या भागामध्ये लष्कराच्या जवानांनी दहशतवाद्यांना घेरले आहे. सध्या या परिसरात गोळीबार सुरू असल्याचं म्हटलं जात असून, या चकमकीमध्ये ४ जवान शहीद झाले आहेत. रविवारी पिंगलान भागात दहशतवादी लपले असल्याची माहिती मिळाल्यानंतर लष्कराने या परिसरात शोधमोहिम सुरू केली. या परिसरात लष्कर पोहोचताच दहशतवाद्यांनी गोळीबार सुरू केला. याचं उत्तर म्हणून लष्कराकडूनही गोळीबार करण्यात आला. ज्या चकमकीत लष्कराच्या जवानांना त्यांचे प्राण गमवावे लागले.

शहीद झालेल्या जवानांमध्ये मेजर डी.एस. डोंडीयाल यांचा समावेश असून, सावेराम, अजय कुमार, हरी सिंग या जवानांना दहशतवाद्यांशी लढताना वीरमरण आलं. हे जवान ५५ राष्ट्रीय रायफल्स आणि सीआरपीएफमधील असल्याचं कळत आहे. एकीकडे पुलवामा हल्ल्याच्या जखमा ताज्या असतानाच पुन्हा एकदा जवानांना वीरमरण आल्यामुळे देशात दहशतवाद्यांविरोधात प्रचंड संताप पाहायला मिळत आहे.

पिंगलान भागात २ ते ३ दहशतवादी लपले असल्याची शक्यता आहे. त्यामुळे सध्या या भागात वातावरण प्रचंड तणावाचं आहे. गुरूवारी जम्मू- काश्मीरच्या पुलवामा येथील अवंतीपोरा येथे जैश-ए-मोहम्मदकडून एक दहशतवादी हल्ला घडवण्यात आला होता. या हल्ल्यात सीआरपीएफचे ४० जवान शहीद झाले होते. जागतिक स्तरावर या हल्ल्याचा अनेक देशांतून निषेध करण्यात आला. पाकिस्तानला देण्यात आलेला विशेष राष्ट्राचा दर्जाही या भ्याड हल्ल्यानंतर काढून घेण्यात आला. पण, तरीही दहशतवादी कारवाया थांबण्याचं नाव घेत नाही आहे.

Service Unavailable

The server is temporarily unable to service your request due to maintenance downtime or capacity problems. Please try again later.

Additionally, a 503 Service Unavailable error was encountered while trying to use an ErrorDocument to handle the request.