पंतप्रधान नरेंद्र मोदी आजपासून दोन दिवसांच्या गुजरात दौऱ्यावर आहेत. ते विविध विकासकामांचा शुभारंभ करणार असून काही जाहीर सभांनाही संबोधित करणार असल्याचं समजतंय. आज दुपारी 12 च्या सुमारास मोदी जामनगर येथे पोहोचतील.

आपल्या दोन दिवसांच्या गुजरात दौऱ्यात पंतप्रधान मोदी अहमदाबाद मेट्रो सेवेच्या पहिल्या टप्प्याचे उद्घाटन करतील. जवळपास 1 हजार कोटी रुपये खर्च असणाऱ्या उमिया धाम मंदिराचे भूमिपूजन देखील करणार आहेत. त्यानंतर दुपारी 3 वाजण्याच्या सुमारास अहमदाबादच्या जसपूर परिसरात विश्व उमिया फाउंडेशनच्या कार्यक्रमात मोही सहभागी होणार आहेत. पाटीदार आरक्षण आंदोलनानंतर पहिल्यांदाच मोदी पाटीदारांच्या एखाद्या कार्यक्रमात सहभागी होणार असल्याने हा कार्यक्रम महत्त्वाचा आहे. याठिकाणी मोदी जनसभेलाही संबोधित करतील. त्यानंतर संध्याकाळी साडेचार ते सहाच्या दरम्यान अहमदाबाद मेट्रो सेवेच्या पहिल्या टप्प्याचे उद्घाटन करतील.

दुसऱ्या दिवशी म्हणजे पाच मार्च रोजी गांधीनगरच्या अडालज येथील अन्नपूर्णा धाम ट्रस्टमध्ये हजेरी लावतील. यानंतर विद्यार्थी भवनाचे उद्घाटनही त्यांच्या हस्ते होणार आहे. तसंच यादरम्यान श्रमयोगी मानधन योजनेचा शुभारंभही मोदी करणार आहेत.

जानेवारी महिन्यात देखील पंतप्रधान नरेंद्र मोदी तीन दिवसीय गुजरात दौऱ्यावर होते. त्यावेळी त्यांनी व्हायब्रेंट गुजरात समिट आणि अहमदाबाद येथील एका हॉस्पिटलचे उद्घाटन केले होते.

Service Unavailable

The server is temporarily unable to service your request due to maintenance downtime or capacity problems. Please try again later.

Additionally, a 503 Service Unavailable error was encountered while trying to use an ErrorDocument to handle the request.