सोशल मीडियावर ट्रोलिंगचा शिकार होणं ही बाब आता नवी राहिली नाहीये. मुळात हा एक ट्रेंडच झाला आहे असंच म्हणावं लागेल. सोशल मीडिया ट्रोलिंगचा शिकार होणाऱ्यांमध्ये कलाकारांचं प्रमाण तुलनेने जास्त आहे. ट्विटर, इन्स्टाग्राम आणि फेसबुक या विविध माध्यमांच्या सहाय्याने कलाकार मंडळी नेहमीच काही महत्त्वाच्या प्रसंगांना अनुसरून एखादी पोस्ट करतात. पण, बऱ्याचदा त्यांना या पोस्टमुळे ट्रोलिंगचा शिकारही व्हावं लागतं हे नाकारता येणार नाही.अशीच वेळ अभिनेता अभिषेक बच्चनवर आली. पण या ट्रोलिंगला न जुमानता अभिषेकने युजरला सडेतोड उत्तर दिलं आहे.

ट्विटरवर सक्रिय असलेल्या अभिषेकने सोमवारी एक प्रेरणादायी पोस्ट शेअर केली होती. ‘एक उद्देश ठेवा, एक ध्येय बाळगा..असाध्य असे काही जर तुम्हाला पूर्ण करायचे असल्यास, तर ते असाध्य नाही हे जगाला सिद्ध करुन दाखवा’, असा त्या पोस्टचा मतितार्थ होता. मात्र यावरुन एका युजरने अभिषेकला ट्रोल केलं. ”जो व्यक्ती सोमवारीसुद्धा खूश राहू शकतो अशा व्यक्तीला तुम्ही काय म्हणणार? बेरोजगार”, असा टोमणा त्या युजरने अभिषेकला मारला. यावर अभिषेकने असं काही उत्तर दिलं की नेटकऱ्यांनीही त्याची वाहवा केली.

‘तुझ्याशी मी सहमत नाही. तो एक असा व्यक्ती आहे ज्याला त्याचं काम फार आवडतं’, असं उत्तर अभिषेकने दिलं. एरव्ही ट्रोलर्सकडे दुर्लक्ष करणाऱ्या अभिषेकने या युजरला मात्र सौम्य आणि तितक्याच बोचऱ्या शब्दांमध्ये प्रत्युत्तर दिल्याचं पाहायला मिळालं. यानंतर काही नेटकऱ्यांनी अभिषेकच्या बाजूने ट्विट करत त्याची साथ दिल्याचं पाहायला मिळालं.

Service Unavailable

The server is temporarily unable to service your request due to maintenance downtime or capacity problems. Please try again later.

Additionally, a 503 Service Unavailable error was encountered while trying to use an ErrorDocument to handle the request.