सध्या जगभरात जीवघेण्या कोराना व्हायरसने धुमाकुळ घातला आहे. या पार्श्वभूमीवर आता भारतातही अधिक सतर्कता घेतली जात आहे. या जीवघेण्या विषाणूपासून बचाव करण्यासाठी सरकारकडून उपययोजना केल्या जात आहेत, शिवाय जनजागृती देखील केली जात आहे. मात्र, हा विषाणू केवळ मनुष्यामध्येच आढळतो आहे का? की पाळीव प्राणी जसे की कुत्रा-मांजर यांना देखील त्याची लागण होते, त्यांच्याद्वारे देखील तो पसरू शकतो. याबाबत माहिती समोर येत आहे.

पाळीव प्राणी असलेले मांजर व कुत्रा यांच्याद्वारे मानवाला कोरना विषाणूची लागण होऊ शकत नाही. मात्र, ते या विषाणूंच्या संपर्कात आल्यास त्यांच्यात तो कमी प्रमाणात आढळण्याची शक्यता आहे. हाँगकाँग येथील कृषी, मत्सपालन आणि संरक्षण विभागाचा हा निष्कर्ष आहे. या ठिकाणी एका पाळीव कुत्र्याला त्याच्या मालकाडून याची लागण झाल्याचे तपासणीत निदर्शनास आले होते. या विभागाच्या एका प्रवक्त्याने सांगितले, सध्या याचा काही पुरावा नाही की पाळीव प्राणी COVID-19 च्या संसर्गाचे स्रोत असू शकतात किंवा ते यामुळे आजारी पडतात.

वैज्ञानिकांना असा संशय आहे की, सार्स-सीओव्ही-2 म्हणून ओळखल्या जाणारा विषाणू अन्य प्रजातींमध्ये आढळण्याअगोदर तो वटावाघुळाद्वारे निर्माण झाला असावा. नंतर तो एका लहान जंगली सस्तन प्राण्याद्वारे मनुष्यात आल्याची शक्यता वर्तवली जात आहे.