देश
नवी मुंबईत IT कंपनीच्या १९ कर्मचाऱ्यांना करोना
महापे येथील टीटीसी एमआयडीसी इंडस्ट्रीयल इस्टेटमधील एक आयटी कंपनीतील तब्बल १९ कर्मचाऱ्यांना करोनाची लागण झाल्याचं उघडकीस आलं आहे. सर्व बाधितांना ‘कोविड १९’ बाधितांसाठी राखीव असलेल्या नवी मुंबई महापालिकेच्या वाशी रुग्णालयात दाखल करण्यात आलं आहे.
बाधित रुग्णांपैकी मुंबई व नवी मुंबईतील प्रत्येकी सात जण आहेत. ठाणे व तेलंगणातील प्रत्येकी दोघे असून एक सांगलीचा आहे. तेलंगण व सांगलीतील तिघांनी मार्चपासून या कंपनीत काम सुरू केलं होतं. एका खासगी लॅबमध्ये कंपनीनं सर्व कर्मचाऱ्यांची करोना चाचणी केली होती. त्यात ते पॉझिटिव्ह आढळून आले. ही माहिती मिळताच प्रशासनानं संबंधित आयटी कंपनीला तात्काळ टाळं ठोकलं आहे. या १९ जणांना उपचारासाठी दाखल केल्यानंतर वाशी रुग्णालयातील करोना रुग्णांची संख्या ५० वर पोहोचली आहे.
बाधित रुग्णांपैकी मुंबई व नवी मुंबईतील प्रत्येकी सात जण आहेत. ठाणे व तेलंगणातील प्रत्येकी दोघे असून एक सांगलीचा आहे. तेलंगण व सांगलीतील तिघांनी मार्चपासून या कंपनीत काम सुरू केलं होतं. एका खासगी लॅबमध्ये कंपनीनं सर्व कर्मचाऱ्यांची करोना चाचणी केली होती. त्यात ते पॉझिटिव्ह आढळून आले. ही माहिती मिळताच प्रशासनानं संबंधित आयटी कंपनीला तात्काळ टाळं ठोकलं आहे. या १९ जणांना उपचारासाठी दाखल केल्यानंतर वाशी रुग्णालयातील करोना रुग्णांची संख्या ५० वर पोहोचली आहे.
दरम्यान, कल्याण-डोंबिवलीत आज करोनाचे १२ नवे रुग्ण सापडले असून येथील एकूण बाधितांचा आकडा ९७ वर पोहोचला आहे. कल्याणमध्ये आज उत्तर प्रदेशातील गावी जाण्यासाठी निघालेल्या २०० मजुरांना पोलिसांनी ताब्यात घेतलं आहे.
