देश

SSC, HSC Exam 2021 : दहावी आणि बारावी परीक्षेच्या तारखा जाहीर

कोरोना व्हायरसने संपूर्ण जगात थैमान घातलं आहे. गेल्या वर्षी भारतात दाखल झालेल्या या विषाणूमुळे सर्वच क्षेत्रांना मोठा फटका बसला. त्याचप्रमाणे विद्यार्थांचे देखील मोठे नुकसान झाले आहे. सध्या काही राज्यात कोरोना नियमांचे पालन करून शाळा सुरू करण्यात आल्या आहेत. पण मुंबईत अदयाप शाळा सुरू झालेल्या नाहीत. गेल्या काही दिवसांपासून 10वी आणि 12वीच्या परीक्षा कधी होणार असा प्रश्न विद्यार्थी, पालक आणि शिक्षकांना देखील पडला होता.

मात्र आता 10वी आणि 12वीच्या परीक्षांची वेळ निश्चित करण्यात आली आहे. यंदाच्या वर्षी 12 वी ची परीक्षा 23 एप्रिल ते 29 मे 2021 दरम्यान सुरु होईल. तर 12वीचा निकाल जुलै अखेर जाहीर करण्यात येण्याची माहिती शिक्षण मंत्री वर्षा गायकवाड यांनी दिले आहे.

तर 10वी इयत्तेच्या परीक्षा 29 एप्रिल ते 31 मे 2021 च्या दरम्यान होणार असून निकाल ऑगस्ट अखेरीस जाहीर होणार आहे.