पक्षातील दिग्गज नेते, आमदार व खासदार पक्षांतर करत असल्यामुळे संकटात सापडलेल्या राष्ट्रवादीला नवसंजीवनी देण्यासाठी शरद पवार स्वत: मैदानात उतरले आहेत. मंगळवारपासून (१७ सप्टेंबर) शरद पवार राज्याच्या दौऱ्यावर निघणार आहेत. त्यांच्या दौऱ्याची सुरूवात सोलापुरातून होणार आहे. भाजप-शिवसेनेकडे जाणाऱ्या नेते- पदाधिकाऱ्यांना थोपवणे व पक्षात अजूनही असलेल्यांना विश्वास देणे हाच या दौऱ्याचा मुख्य हेतू असल्याची चर्चा राजकीय वर्तुळात सुरू आहे.

शरद पवार यांच्या दौऱ्याची माहिती राष्ट्रवादी काँग्रेसच्या अधिकृत ट्विटर हँडलवरून देण्यात आली आहे. विधानसभा निवडणुकांच्या पार्श्वभूमीवर राष्ट्रवादी काँग्रेस पक्षाचे राष्ट्रीय शरद पवार यांच्या राज्यव्यापी दौऱ्याला मंगळवारी सुरूवात होत आहे. पहिल्या टप्प्यात सोलापूर, उस्मानाबाद, बीड लातूर, हिंगोली, परभणी, जालना, औरंगाबाद, अहमदनगर, सातारा या जिल्ह्यांत बैठका घेऊन नेते, पदाधिकारी व कार्यकर्त्यांशी संवाद साधणार आहेत.

सोलापुरात पक्षाच्या पदाधिकाऱ्यांसोबत त्यांची पहिली बैठक होणार आहे. पवारांनी लोकसभेत प्रतिनिधित्व केलेला माढा मतदारसंघ सोलापूर जिल्ह्यात येतो. मागील निवडणुकीत पक्षांतर्गत राजकारणामुळं या मतदारसंघातून पवारांना माघार घ्यावी लागली होती. आपल्या महाराष्ट्र दौऱ्याची सुरुवात पवार याच जिल्ह्यातून करणार आहेत.

Service Unavailable

The server is temporarily unable to service your request due to maintenance downtime or capacity problems. Please try again later.

Additionally, a 503 Service Unavailable error was encountered while trying to use an ErrorDocument to handle the request.