संजय पवार यांचा पराभव का झाला? राष्ट्रवादीचे प्रफुल्ल पटेल यांनी सांगितलं नेमकं कारण, म्हणाले…

आज राज्यसभेच्या निवडणुकीचा निकाल लागला. यामध्ये महाविकास आघाडी आणि भारतीय जनता पार्टीचे प्रत्येकी तीन उमेदवार निवडून आले आहेत. भाजपाचे धनंजय महाडिक आणि महाविकास आघाडीचे उमेदवार संजय पवार यांच्यापैकी कोण बाजी मारणार याकडे सर्वांचेच लक्ष होते. या लढतीमध्ये धनंजय महाडिक यांचा विजय झाला. दरम्यान या निकालानंतर आत आरोप-प्रत्यारोपच्या फैरी झडत आहेत. तर महाविकास आघाडीचे नेते संजय पवार यांचा पराभव कसा झाला यावर विचार करावा लागेल, अशी प्रतिक्रिया महाविकास आघाडीचे नेते देत आहेत. राष्ट्रवादीचे नेते प्रफुल्ल पटेल यांनीदेखील संजय पवार यांच्या पराभवावर नाराजी व्यक्त केली आहे. छोटे पक्ष आणि अपक्षांच्या नाराजीमुळे अपेक्षित मते मिळाली नाहीत असे ते म्हणाले आहेत.